Languages

  • Français
  • Македонски
  • English
  • Shqip

Долна Нормандија на Фестивалот на францускиот филм во Охрид

Printer-friendly versionSend to friend
Петтото издание на фестивалот на француски филм во Охрид започна на 30 јуни 2012 година, а ќе заврши на 5 јули. По четирите претходни изданија, проследени со огромен успех, петтото издание ветува уште побогата програма и интересни филмски наслови. Филмовите ќе се прикажуваат во Центарот за култура „Григор Прличев“. Фестивалот е организиран со поддршка од страна на Регионалниот совет на Долна Нормандија.
Во текот на фестивалот Долна Нормандија ќе има можност да ја престави својата филмска продукција со прикажување на филмот  „Спорт за жени“, на режисерката Патриција Мазиј. Филмот ќе биде прикажан на 3 јули и ќе учествува на официјалниот натпреварувачки дел на фестивалот. Истиот ден, попладнето ќе биде посветено на промоција на краткометражни филмови поддржани од Долна Нормандија. Во „краткометражното попладне“ ќе се прикажат филмовите: „Девојка модел“ на Сесил Дикрок, „Рефрен“ на Бежамен Сереро и „Меѓу нас“ на Клеман Кожитоар.
За време на свеченото затворање на фестивалот на 5 јули една од филмските награди ќе биде доделена од страна на потпретседателот на Регионалниот совет на Долна Нормандија, г-ѓа Корин Фере.
Целосната програма на фестивалот е достапна на: ccfskopje.edu.mk
Macedonian
02.07.2012

 

© Регионален совет на Долна Нормандија – Сите права се задржаниУпотреба на името „Македонија“